Fasnacht 2004
Mittwuch, 3. März: Jetz hett sogar s Wätter mitgespiilt
Isch ächt dr Mittwuch dr "Höhe"-Punggt gsi vo däre Fasnacht? Dr. Cortège hett gfäggt, es isch nääbe dra vyyl gloffe, es hett bängglet (sogar im -tis). Und s Wätter hett zäädausigi vo Gwundrige in d Stadt brocht (Nit "Hunderttausende", wie n e AP-Mäldig vom Mäntig yyber e Morgestraich verzellt hett ... )
Zyschtig, 2. März: Dr Scharivari-Fasnachts-Daag
An däm Daag hän Kinder und die Erwaggsene Fraid und geen mit alle möglige und unmöglige Instrument uff d Gass.
Määntig-Noomidaag, 1. März: Cortège und anders
Dr Cortège isch maischtens ooni grossi Stoggige vorwärts kho. Numme hän die Aggdive und die Passive ab und zue miesse naime yyne go Wärmi tangge.
Määntig-Morge, 1. März: Morgestraich
Au am Määntig-Morge isch es yysig kalt gsi. Aber es hett ainiwäg heerlig deent und d Ladärne hänn wie allewyl brächtig glyychtet.
 Doo fääle Helge vom Morgestraich! Wenn de e baar Helge mit Pfyffer druff hesch, so kasch si mir schigge. Ich hängg si denn doo yyne! Merci.
Helge vom Morgestraich schigge
uffe
Sunntig-Oobe, 29. Februar: Ladärne yynepfyffe
Kalt isch es gsi und sogar e baar Schneeflogge hänn d Ladärne uff em Wääg in d Innerstadt beglaitet. Immer mee Ladärne wärde mit Lyyndiecher abdeggt. Erscht am Morgestraich solle si iiri Bracht zaige.
  Zwai Clique kemme dr Spaalebärg aabe.
uffe
Marschiebig
E baar Wuche vor dr Fasnacht goot me uff d Marschiebige.
Emool firs Zämmespiil, denn au, as me im rächte Schritt laufe kha
und nyt zletscht, as me d Märsch au uswändig spiile kha ...
|
|
