Unser Schyssdräggzigli isch leider uf 5 Persone gschrumpft - do dervo pfyffe 3 und dien 2 vorträble.
Mir sin fascht alli über 65, scho ewig aggtiv und hän immer no seeehr Luscht uf Fasnacht. Mir laufe dr Cortège nit, sin aber v.a. z'Obe immer irgendneume in de Gässli unterwäggs. Unser Repertoire umfasst 25 Märsch vo eifach bis e weeneli aspruchsvoll und mir wäre froh um 2-3 Versterggige, v.a. in dr erschte Stimm. Hätsch Luscht, emol ko ynezschnubbere, denn mäld Dy doch eifach über Mail oder Delifon.
Mir iebe grundsätzlig am Mäntigobe. (Viertel vor 7 bis 8).